(1879) Pizarro al amo

link

Si supimus engañallu,
¡hemus saber defendellu!

Siñor: Cuandu supimus quéra falsu el dichu que nus dexaba, non cabíamos de gozu en nuestrus pelleyus, y esu quel que plugu á Dios dame, fai lumenus 6 faniegas de cebera.

Lus llenguaraces dicin pestis purqui 's quitou la tayada pa danusla á nusoutrus; dicen de vuste, que non ye home de palabra, que ye floxu y que se dexa engañar; lu peor de todu ye que lu dicen reiendusi. Non faiga casu, que estoy you aqui, el mas grande todus pa defendellu, que pa facer tonteries non hay quien me gane, aunque me esté mal en decillu.

You direi en lus papeles. que ye un sabiu de talentu, que tien bellu caracter, que quier muchu á lus que le afalagan, y en fin, que sabe llenanus l'andorga que ye lu primeru. A lus descreidus, ya les direi pa ablandais su corazon, que cuandu tuvu que quitais la tayada pa dánusla á nusoutrus que se la pedíamus, temblada comu un azogau.
El tiempu que quede, siñor, empleelu en firmar algu más pa nusoutrus aunque se quede perlaticu y non faiga tonteries diciendu que se marcha, que de solu pensalu, arrásanse los güeyos en llágrimas al so fiel y cantor, mientras lu farta - Pizarru